FÀILTE GU CULTAR NA H-ALBA

Ann an Cultar na h-Alba gheibhear gach goireas dealanach is corporra a tha a’ foillseachadh iomadachd bheairteach cultar na h-Alba. Faodaidh sibh rannsachadh a dhèanamh air taghadh de ghoireasan, nam measg ceòl, litreachas, spòrs, maoineachadh agus fiosrachadh mu thachartasan.

Seo an cothrom agaibhse ar cuideachadh gus an t-seirbheis a leasachadh le bhith a’ cur ur molaidhean a thaobh an dealbhachaidh, na feartan rannsachaidh agus susbaint ùr gu Penny Robertson .

’S e pròiseict dhearbhaidh a thathar an dùil a ruitheas airson 18-24 mìos a tha ann am portal Cultar na h-Alba. Tha a’ phròiseict maoinichte le Riaghaltas na h-Alba.

’S e amas na pròiseict a bhith a’ solarachadh inneal rannsachaidh neartmhor airson fiosrachadh clò-bhuailte agus dealanach mu Chultar na h-Alba a ruigsinn. Tha am fiosrachadh seo air a chumail ann an raon farsaing de dh’àiteachan leithid leabharlannan, taighean-tasgaidh is tasglannan, agus ann an goireasan eadarlìn a tha sònraichte a thaobh a’ chultair agus a lorgas a’ bhuidheann phortal. ’S e miann na pròiseict a bhith ag obrachadh mar fòcas airson leasachadh cultarail.

’S e amas na h-iomairte seo cothrom gus faighinn chun an stuth a leudachadh don a’ phoball; dhaibhsan aig gach ìre de dh’fhoghlam – a’ gabhail a-steach ionnsachadh fad-bheatha; luchd-foghlaim; agus daoine a dh’fhaodadh tadhal air Alba – dha-rìreabh, gach duine le ùidh ann an Cultar na h-Alba. Bheir an t-seirbheis cothrom gus faighinn gu raon farsaing de ghoireasan clò-bhuailte agus dealanach, nam measg dàta a tha air a chumail le buidhnean nàiseanta agus ionadail, ealanlannan, taighean-tasgaidh, leabharlannan agus ùghdarrasan ionadail, tro aon bheart-rannsachaidh.