Hist
ye in tae Scotland’s Culture
Scotland’s Culture will be a lane yett leadin intae
electronic and pheesical resources, giein a heist tae the
hale clanjamfrey o Scottish culture. Ye can wyle oot a rowth
o ferlies adee wi music, screivin, sport, siller an ony ongaans
o note. This is yer chaunce tae help us ile the hinges of
the yett, bi sennin in yer thochts on the makk, search features
and new maiters tae Penny
Robertson .
The
Scottish Cultural yett or Scotland’s Culture is a
projeck in its caaf time set tae rin fur up tae twa years.
The siller fur the ploy cam fae the Scottish Executive.
The projeck ettles tae gie a guid-gaan searchin mechanism
fur wylin oot printit an electronic information aboot Scottish
culture. This lear is held in mony airts, sic-like librars,
museums an heirskip hauders, an ferlies o cultural wecht,
identifeed bi the keepers o the yett, that can be socht
oot on the net.
The projeck ettles ti be a trystin
neuk for cultural grouth. This ploy sikks tae raxx the yett
wider fur mair fowk at ilkie rung o the larnin laidder takkin
in lifelang lear, dominies and wad-be towrists tae Scotland
- onybody wi an ee on Scotland’s culture. The yett’ll
intakk a rowth o printit an electronic resources forbye
data held bi national and local bodies, galleries, museums,
librars an local cooncils throw ae search ingin.
Translated into Scots by Sheena Blackhall, Elphinstone
Kist, Aberdeen University/ Owerset in tae Scots bi Sheena
Blackhall, Elphinstone
Kist, Aberdeen University.
|
